Жаңалықтар

Бүгін университетімізде IV Қысқы мектеп аясында Академиялық мәселелер күні өтті. 

Сессия жұмысын Академиялық мәселелер вице-ректор Эльмира Идрисова бастады. Ол «Академиялық үстемділік» тақырыбында баяндама оқыды.

«Академиялық үстемділік – бұл тек рейтингтер мен формалды көрсеткіштерге ұмтылу емес. Ең алдымен білім беру бағдарламаларының сапасын арттыруға, ғылыми ықпалды күшейтуге, университет беделін нығайтуға және қоғамға нақты әсер етуге бағытталған кешенді құндылықтар жүйесі. Осы стратегия арқылы біз жоғары академиялық стандарттарды қалыптастырып, тұрақты даму жолын қамтамасыз етеміз», – деді, вице-ректор. 

Келесі кезекте Академиялық департаменттің директоры Ардақ Бостанова білім беру бағдарламаларының сапасы жайлы кеңінен ақпарат берді. Ол білім беру бағдарламаларын ғылым және болашақ құзыреттермен тығыз байланыста дамуы тиіс екенін жеткізді. Сонымен қатар алдағы академиялық бағыт аясында кітапхана мен инклюзивті қолдау орталығы негізгі бақылауда болатын көрсеткіштер қатарында екенін айтып, бұл бағыттар бойынша жұмыстардың жүйелі түрде жүзеге асырылып, жақсы нәтиже беріп жатқанын мәлімдеді. Бірнеше құрылымдық орталықтармен бірлескен жұмыстар білім беру бағдарламаларының сапасын арттыруға бағытталғанын атап өтті.

Іс-шарада академиялық үстемдік, білім беру бағдарламаларының сапасы, оқытушының жаңа рөлі мен академиялық мәдениет сияқты өзекті тақырыптар талқыланды. Жиында университеттің бәсекеге қабілеттілігі мен академиялық басымдықтарын айқындауға бағытталды. Оқытушы-профессорлар құрамы өз кәсіби қызметіне қажетті маңызды ақпараттар алды.