Жаңалықтар

Бүгін университетіміздің қабырғасында ҚР Ғылым және жоғары білім министрлігінің ұйымдастыруымен өтіп жатқан ЖОО арасындағы «Студенттік спорт лигасы» оңтүстік аймақтық ойындарының кезекті жарыстары басталды.

Еске салайық, өткен аптада оқу орнымызда студенттік спорт лигасының ресми ашылу салтанаты және алғашқы ойындары өткізілді. ЖОО-ның командалары волейбол, тоғызқұмалақ және шахмат спорт түрлерінің жеңімпаздарын анықтады.

Ал бұл жолы жарыс жолына баскетболшылар мен үстел теннисінің шеберлері шықты. Спорт бәсекесіне жалпы саны 120-ға жуық студент қатысып жатыр. Олар өзара республикалық Студенттік спорт лигасына жолдаманы сарапқа салады.

Сайыста оңтүстік аймақтан 10 университеттің командалары бақ сынауда, атап айтар болсақ:

1. Қожа Ахмет Ясауи атындағы Халықаралық қазақ-түрік университеті

2. Қорқыт-Ата атындағы Қызылорда университеті

3. М.Х.Дулати атындағы Тараз өңірлік университеті

4. Халықаралық туризм және меймандостық университеті

5. Ө.Жәнібеков Оңтүстік Қазақстан педагогикалық университеті

6. М.Әуезов атындағы Оңтүстік Қазақстан университеті

7. Оңтүстік Қазақстан медициналық академиясы

8. Орталық-Азия инновациялық университеті

9. Академик А.Куатбеков атындағы халықтар достығы университеті

10. Шымкент университеті

Жарысқа қатысып жатқан университетіміздің студенттеріне сәттілік тілейміз!