Жаңалықтар

Бүгін университетімізде  №9 Сенат мәжілісі өтті. Жиынға Сенат мүшелері, құрылымдық бөлім басшылары, оқытушы-профессорлар құрамы қатысты. 

Басқосу әдеттегідей университетіміздің оқытушы-профессорлар құрамын мерейтойларымен құттықтау рәсімімен бастау алды.  

Университет ректоры Жанар Темірбекова Жаратылыстану ғылымдары факультетінің оқытушысы Саттарбек Махатұлын 70 жас мерейтойымен, Әлеуметтік ғылымдар факультетінің доценті Мариям Ботайқызын 60 жас, ал «Тұран» баспаханасының жетекші маманы Жанар Амангелдіқызын мерейлі 50 жасымен құттықтап, сый-сияпаттар табыстады. 

Бұдан әрі күн тәртібіндегі негізгі мәселелер бойынша баяндамалар жасалды. Қабылдау комиссиясының жауапты хатшысы Еділ Төлегенов 2024-2025 оқу жылына қабылданатын білімгерлер контингентін жоспарлау туралы және 2024-2025 оқу жылына ақылы негізде қабылданатын білімгерлер үшін оқу төлем ақысы жайлы баяндады.  

Сондай-ақ, Университет ОПҚ-ның дайындаған оқулық, оқу құралы, мен монографияларын бекіту, РОӘК-не Гриф алуға және баспаға ұсыну, Университет білім алушыларының үлгеріміне ағымдық бақылау, аралық және қорытынды аттестаттау өткізу, Сенат шешімдерінің орындалуы, Білім беру бағдарламасын ББ реестірінен шығару туралы және т.б маңызды мәселелер қаралды.