Жаңалықтар

Оқу ордамыздың «6В04143-Есеп және аудит» және «6В04144-Қаржы» білім беру бағдарламалары бухгалтерлік есеп, аудит және қаржы саласындағы кәсіби сарапшыларды біріктіретін ACCA (Association of Chartered Certified Accountants) халықаралық ұйымының аккредиттеуінен сәтті өтті.

Осылайша, аталған білім беру бағдарламалары халықаралық кәсіби стандарттарға сәйкестігін дәлелдеп, халықаралық деңгейде танылып отыр. 

Аккредиттеудің маңызды артықшылықтарының бірі – студенттердің халықаралық кәсіби біліктілікке дайындалуына мүмкіндік берілуі. ACCA біліктілігін алу үшін 9 пәнді меңгеру қажет. Оның ішінде 5 пән бакалавр деңгейінде, 2 пән магистратурада оқытылады. Қалған пәндер бойынша да университет базасында кәсіби дайындық ұйымдастыру мүмкіндігі қарастырылған.

Бұл өз кезегінде білім алушылардың кәсіби даярлығын күшейтіп, олардың еңбек нарығындағы мүмкіндіктерін кеңейтеді. Студенттеріміздің болашақта халықаралық компанияларда, шетелдік ұйымдарда және Қазақстандағы ірі корпорацияларда қызмет етуіне жаңа мүмкіндіктер ашады. 

Жаңа мүмкіндіктермен қатар, бұл жетістік университеттің халықаралық білім беру кеңістігіндегі беделін де арттырады. Қазақстандағы жоғары оқу орындары арасында мұндай халықаралық кәсіби аккредиттеуден өткен университеттер саны шектеулі. Осы қатарға университетіміздің қосылуы қаржы және есеп бағыттарындағы білім беру сапасының жоғары деңгейін көрсетеді.

Айта кетейік, бұл нәтиже – екі жылға жуық уақыт жүргізілген жүйелі жұмыстың жемісі. Осы кезеңде білім беру бағдарламалары халықаралық талаптарға сәйкестендіріліп, оқу мазмұны жетілдіріліп, кәсіби стандарттарды енгізу бағытында кешенді жұмыстар атқарылды.

Алдағы уақытта да оқу ордамызда білім беру бағдарламаларының сапасын арттыру және халықаралық кәсіби стандарттарды оқу үдерісіне енгізу жұмыстары жалғаса береді.