Жаңалықтар

Елорда төрінде өтіп жатқан V Дүниежүзілік көшпенділер ойындарында студенттеріміз тағы да тұғырдан көрінді. Бұл жолы бұрымды балуандарымыз Ұлбосын Адилова мен Назерке Әбілтаева ел қоржынына қола жүлдені салды.

Ұлбосын Адилова күрәш спорт түрі бойынша әйелдер арасында 87 келі салмақ дәрежесінде жеңімпаздар қатарынан көрінді. 

Алыш спорт түрі бойынша әйелдер арасында 55 келі салмақ дәрежесінде сынға түскен Назерке Әбілтаева да жүлдегер атанды.

Бұған дейін оқу орнымыздың мақтанышына айналған студентіміз Жұмажан Қожамбеков қазақ күресінен 74 келі салмақ дәрежесінде қарсылас шақ келтірмей, алтын жүлдені қанжығасына байланған еді.

Сондай-ақ, университет түлегі Айжан Жылқыбаева 48 келі салмақта алтын медальға ие болды.

Спортшыларымыздың жеңісі құтты болсын! Ел абыройын асқақтатқан шәкірттерімізге сәттілік тілейміз!