Жаңалықтар

Бүгін университетіміздің Мәдениет орталығында болашақ актер студенттер «Аршын мал алан» музыкалық спектаклін сахналады.

Әзербайжан елінің танымал операттасын Спорт және өнер факультеті, Орындаушылық өнер кафедрасы «Актерлік өнер» білім беру бағдарламасының 3 курс студенттері көпшілік назарына ұсынды. 

Спектакльдің қоюшы режиссері, курс жетекшісі – Мәдениет саласының үздігі,аға оқытушы Айткүл Сейтметова. Ал вокал дайындығына п.ғ.к.,профессор Алма Кужахметова жетекшілік етсе, концертмейстер –Ғалия Оралова болды. 

 «Аршын мал алан» комедиялық шығармасы алғаш рет 1913 жылы 25 қазанда әзербайжан театр сахнасында көрерменге таныстырылып, бірден үлкен табысқа жеткен. Спектакль көпшілік көңілінен шығып, шекара асып,  76 елдің 187 театрында сахналанған.

Ал танымал комедиялық қойылымды Түркістан сахнасына алғаш алып келген — белгілі режиссер, өнертану ғылымдарының кандидаты, профессор Кәрімбек Сейтметов. Бүгінде ұлағатты ұстаздың еңбегі ұмытылмай, аға оқытушы Айткүл Сейтметованың жетекшілігімен қайта сахнаға шықты. 

Ең бастысы, қойылымда өнер көрсеткен студенттердің таланты жиналған қауымды тәнті етіп, көрермен қошаметін аямады.