Жаңалықтар

Оқу орнымыздың студенті Сағындық Тоғамбай Таиландтың Чиангмай қаласында өтіп жатқан бокстан Азия чемпионатында топ жарды.

Ұлттық құрама намысын қорғаған спортшы 92 келі салмақ дәрежесі бойынша ақтық сында Тәжікстан боксшысы Парвиз Каримовтің осал тұсын тапты.

Ханчжоудағы Азия ойындарының қола жүлдегері атанған студентіміз Сағындық Тоғамбай бірінші және екінші раунда қарсыласын есеңгіретіп тастады. Осыдан кейін де ауыр соққыларымен Каримовке ес жиғызбады, нетижесінді төреші айқасты тоқтатуға шешім қабылдады.

Осылайша, студентіміз бокстан Қазақстан ерлер құрамасының қоржынына алтын жүлдені салды. 

Шәкіртіміз Сағындық Тоғамбайдың жарқын жеңісі құтты болсын! Спортшымызға әрдайым сәттілік тілейміз!