Жаңалықтар

Университетіміздің Шымкент кампусы, Жоғары медициналық білімнен кейінгі білім беру факультетінде «Қаржы орталығы» АҚ-ның жетекші маманы Ақзира Серікқалидің қатысуымен кездесу ұйымдастырылды.

Басқосудың мақсаты – мемлекеттік білім беру тапсырысы негізінде бітіруші түлектерге оқуын тәмамдаған соң, жұмыспен өтеу міндеттері туралы түсіндірме жұмыстарын жүргізу.

Ақзира Серікқалиқызы биылғы оқу жылынан бастап жұмыспен өтеу міндеттемелері туралы білім алушыларға Egov электронды үкімет порталы арқылы хабарламалар келетінін ескерте отырып, оның маңыздылығына тоқталды.

Кездесуге мемлекеттік білім беру тапсырысы негізінде оқитын бітіруші интерндер мен резиденттер, сондай-ақ Жоғары медициналық білімнен кейінгі білім беру факультетінің деканы А.Абдрахманова, декан орынбасарлары Н.Тасбулатов, А.Джаппаркулова, Педиатрия кафедрасының меңгерушісі С.Тоқбергенова, Жалпы дәрігерлік практика №1 кафедрасының меңгерушісі Қ.Кулаев, Мансапты дамыту және жұмыс берушілермен байланыс орталығының басшысы С.Мухиддинова және эдвайзерлер қатысты.

Жиын соңында білімгерлер аталған мәселе бойынша сұрақтар қойып, жетекші мамандар тарапынан нақты жауаптар алды.