Жаңалықтар

Бүгін университетімізде  №8 Сенат мәжілісі өтті. Жиынға Сенат мүшелері, құрылымдық бөлім басшылары, оқытушы-профессорлар құрамы қатысты. 

Жиында күн тәртібіндегі негізгі мәселелер бойынша баяндамалар жасалды. Ахмет Ясауи кәсіби колледжінің директоры А.Кенжалиев «Ахмет Ясауи кәсіби колледжінің даму бағыттары мен білім беру сапасы» туралы баяндады. «Ахмет Ясауи университетінде басылымдар қолжазбасын рәсімдеу» (УЕ-ХҚТУ-077-2021) ережесіне өзгерістер мен толықтырулар енгізу жайлы Ғылым департаментінің директоры Х.Масадиков, ал Сенат шешімдерінің орындалуын қадағалау мақсатында құрылған бақылау комиссиясының есебі жөнінде Сенат хатшысы А.Абибуллаева баяндады.

Сондай-ақ, Университет ОПҚ-ның құжаттарын ғылыми атақ алу үшін ҚР ҒЖБМ Ғылым және жоғары білім саласындағы сапаны қамтамасыз ету комитетіне ұсыну, Университет ОПҚ-ның дайындаған оқулық, оқу құралы, мен монографияларын бекіту, РОӘК-не Гриф алуға және баспаға ұсыну, Докторанттар мен магистранттардың диссертация тақырыптары мен ғылыми жетекшілеріне өзгерістер мен толықтырулар енгізіп, қайта бекіту сынды маңызды мәселелер қаралды.