Жаңалықтар

Оқу ордамызда өтіп жатқан «II Қазақ тілі – ғылым тілі: жасанды интеллект және терминология» симпозиумының секциялық отырыстары өтті.

Симпозиум 5 секция бойынша бөлінді: Іргелі және қолданбалы тіл білімі: Заманауи тілтанымдық зерттеулер; Жасанды интеллект және қазақ тілінің ғылыми коммуникациясы; Әлеуметтік-гуманитарлық ғылымдардың ұлттық мазмұнын жаңартудың заманауи парадигмалары; Жаратылыстану және техникалық ғылымдар саласындағы ұлттық мазмұнды дамыту: Қазақ тілінің рөлі және жасанды интеллекттің мүмкіндіктері; Қазақ тілінің салалық лингвистикасын дамытудың іргелі әдіснамалық негіздер және білім беруді цифрландыру.

Айтулы секциялардың модераторлары қатарында: Ахмет Байтұрсынұлы атындағы Тіл білімі институтының директоры Анар Фазылжанова, Шайсұлтан Шаяхметов атындағы «Тіл -Қазына» ұлттық ғылыми-практикалық орталығы» КеАҚ бас директоры Мақпал Жұмабай, ҚР Президенті жанындағы ҚР ҰҒА Білім және қоғамдық даму ғылымдары бөлімшесінің ғылыми хатшысы Күлтай Адилова, Жаратылыстану ғылымдары факультетінің деканы, профессор, ғылым кандидаты Раушан Нұрділлаева, Әлеуметтік-гуманитарлық ғылымдары факультетінің профессоры, ф.ғ.к., Бекжігіт Сердәлі бар.

Осылайша ғалымдар секциялардағы тақырыптар аясында құнды ақпараттармен бөлісіп, өзара тәжірибе алмасты.

Сонымен қатар, «Жасанды интеллект әліппесі» атты Workshop өтті.  «Жасанды интеллект әліппесі» еңбегінің авторы Мейіржан Әуелханұлы мен Тіл-Қазынадан AI бөлімінің маманы «Шайсұлтан Шаяхметов атындағы «Тіл-Қазына» ұлттық ғылыми-практикалық орталығы» КеАҚ Жасанды интеллект бөлімі маманы Құрманбек Бақытжан лектор ретінде тың мәліметтер жеткізді.