Жаңалықтар

Бүгін оқу ордамызда №10 Сенат мәжілісі өтті. Жиынға Сенат мүшелері, құрылымдық бөлім басшылары, оқытушы-профессорлар құрамы қатысты.

Басқосу әдеттегідей университетіміздің оқытушы-профессорлар құрамын айтулы жетістіктерімен  құттықтау рәсімімен бастау алды.

Университет ректоры Жанар Темірбекова Бейнелеу өнері кафедрасының аға оқытушысы Мұрат Шаханбаевты ҚР Мәдениет және ақпарат министрлігінің «Мәдениет саласының үздігі» төсбелгісіне ие болуымен құттықтап, сый-сияпат табыстады.

Бұдан әрі күн тәртібіндегі негізгі мәселелер бойынша баяндамалар жасалды. Академиялық мәселелер вице-ректоры Эльмира Идрисова 2025-2026 оқу жылының Академиялық күнтізбесін бекіту туралы айтты. Ал, факультет декандары мен ҒЗИ директорлары факультеттер мен ҒЗИ-лардың даму бағдарламалары бойынша есеп берді.

Сондай-ақ, Университет ОПҚ-ның құжаттарын ғылыми атақ алу үшін ҚР ҒЖБМ Ғылым және жоғары білім саласындағы сапаны қамтамасыз ету комитетіне ұсыну, Университет ОПҚ-ның дайындаған оқулық, оқу құралы, мен монографияларын бекіту, РОӘК-не Гриф алуға және баспаға ұсыну, Жоғары білімнен кейінгі білім беру бағдарламалары бойынша 2024–2025 оқу жылының қысқы кезеңінде қабылданған докторанттардың тақырыптарын бекіту сынды т.б маңызды мәселелер қаралды.