Жаңалықтар

Университетіміз бен Атырау облысы бойынша қылмыстық-атқару жүйесі департаменті өзара ынтымақтастық бойынша меморандумға қол қойды.
Меморандумның мақсаты – Теология факультетінің бітіруші түлектерін Атырау облысы бойынша ҚАЖ департаментінің мекемелерінде сотталғандар арасында діни сауаттылықты арттыру, мекемелерде ұсталатын сотталғандармен теологиялық, оңалту жұмыстарын ұйымдастыру үшін тұрақты жұмысқа тарту.

Аталмыш келісім шартқа Атырау облысы бойынша қылмыстық-атқару жүйесі департаменті атынан полиция майорлары Альбина Исахатова мен Балнур Абжетова және университетіміздің ректоры Жанар Темірбекова қол қойды.

Меморандум аясында жас теолог-мамандарды ынталандыру, Атырау облысы бойынша ҚАЖ ведомстволық мекемелеріне жұмысқа түскен теолог-мамандардың біліктілігін арттыру курстарында оқытуды жүзеге асыру сияқты т.б маңызды мәселелер талқыланды.

Кездесу соңында тараптар игі бастаманың бітіруші түлектертер үшін мол мүмкіндіктер ұсынатынына сенім білдірді.