Жаңалықтар

Бүгін университетімізде студенттердің қатысуымен «Тәрбиелі жастар – бақытты ел болашағы» атты коференция өтті. Іс-шараны оқу орнымыз бен Түркістан облыстық Полиция департаменті «Бақытты отбасы – бақытты ел» республикалық акциясы аясында ұйымдастырды.

Конференцияда Түркістан облыстық Полиция департаменті, Жергілікті полиция қызметі басқармасының Отбасылық-тұрмыстық зорлық-зомбылыққа қарсы күрес бөлімінің аға инспекторы, полиция майоры Әйгерім Жарқынбек пен Жергілікті полиция қызметі басқармасының Ювениалдық полиция тобының аға инспекторы, полиция майоры Бексұлтан Ташимов пен Есірткі қылмысына қарсы іс-қимыл басқармасының Аса маңызды істер жөніндегі аға жедел уәкілі, полиция майоры Есімхан Кожбанов спикер болды.

Сондай-ақ, жиынға Әлеуметтік-мәдени даму вице-ректоры Еділ Төлегенов қатысып, жастарға ақыл-кеңесін айтты.

Спикерлер зорлық-зомбылық деген не, оның түрлері қандай екенін жіктеп көрсетті. Күш көрсету, психикалық, экономикалық зорлық-зомбылық түрлерінің адамға тигізер зияны туралы айтты. Қасақана жасалған мұндай заңсыз іс-әрекеттердің өтеуі жаза екенін де тілге тиек етті.

Сонымен қатар, әр отбасыда балаға берілетін тәрбие мен қоршаған ортаның әсері маңызды рөл атқаратынын ескертті. Бақытты отбасы – мықты мемлекеттің кепілі болатынын жеткізді.

«Зорлық-зомбылық» тақырыбынан бөлек, «Есірткі қылмысына қарсы күрес» тақырыбы да көтерілді. Аталған қылмысқа байланысты қабылданған жаңа заң мен Қылмыстық кодекске енгізілген өзгерістер мен толықтырулар таныстырылды.

Конференция соңында психологиялық тренинг өтті.