Жаңалықтар

Спортшыларымыз Индонезия  мемлекетінде спорттық және жауынгерлік самбодан жастар және жасөспірімдер арасында өткен Әлем чемпионатында жүлдегер атанды.

3-6 қазан аралығында Кабупатен Богор қаласында өткен айтулы спорттық додада Ақбота Қыдырәлі 72 кг салмақ дәрежесінде күміс медальге ие болды. Ал 98 кг салмақтағы Алмас Темірбай мен 80 кг салмақта белдескен Ұлбосын Адилова қола жүлдені еншіледі. 

Әлем чемпионатында ел мерейін асқақтатқан спортшыларымыздың жетістіктері құтты болсын!

Сондай-ақ, студенттеріміз Өзбекстанның Хорезм облысы, Үргеніш қаласында өткен әмбепап жекпе-жектен (UNIFIGHT) Әлем чемпионатында жеңіс тұғырынан көрінді. 

25-30 қыркүйек күндері өткен дүбірлі додаға 12 мемлекеттің спортшылары қатысып, бақ сынады. 

Айтулы сайыста студенттеріміз 95+кг салмақтағы Шерехан Ерәділ мен 70 кг салмақта жұдырықтасқан Шерехан Нұрәділ жеңіске жетті. Студенттерімізге алдағы байрақты бәсекелерде сәттілік тілейміз!