Жаңалықтар

Экономика және басқару факультетінде «Бренд ұғымы және Түркістан облысындағы шағын және орта кәсіпкерлік субъектілерінде брендті басқару» тақырыбында ғылыми семинар ұйымдастырылды.

Ғылыми семинар барысында «Атамекен» директорының құқықтық мәселелер жөніндегі орынбасары Зухра Тулебайқызы, «Атамекен» ҰКП өкілі Оңалбай Адель, жеке кәсіпкер Гүлмира Салыбекова, жас кәсіпкер Қымбат Асанқызы, PhD, қауымдастырылған профессор, Экономика, қаржы және есеп кафедрасының оқытушысы Жетибаев Жантуре және PhD, қауымдастырылған профессоры, Экономика, қаржы және есеп кафедрасының оқытушысы Сыздықова Азиза  өз тәжірибелерінен баяндамаларын ұсынды.

Баяндамалар «Бренд ұғымы және Түркістан облысындағы шағын және орта кәсіпкерлік субъектілерінде брендті басқару» және «Түркиядағы шағын және орта кәсіпорындардың бренд болу тәжірибесі» тақырыптарында тыңдалып, аймақтық және халықаралық деңгейдегі бренд қалыптастыру тәжірибелері мен олардың кәсіпкерлікті дамытудағы маңызы талқыланды.

Спикерлер бренд қалыптастырудың маңыздылығын, шағын және орта кәсіпкерлікті қолдаудың тетіктерін және шетелдік тәжірибелерді талқылады. 

Іс-шара студенттеріміздің ғылыми көзқарасын кеңейтіп, заманауи экономикалық үрдістерді түсінуге мүмкіндік берді.