Тарих және жалпы ақпарат

ТАРИХ ЖӘНЕ ЖАЛПЫ АҚПАРАТ

Компьютерлік инженерия кафедрасы

Қожа Ахмет Ясауи атындағы Халықаралық қазақ-түрік университетінің Компьютерлік инженерия кафедрасы 1999 жылы ақпараттық технологиялар саласында заман талабына сай, бәсекеге қабілетті, жоғары білікті мамандар даярлау мақсатында жеке кафедра ретінде құрылды.

01Кафедра басшылығының кезеңдері

02Білім беру бағыттарының қалыптасуы

Кафедрада алғашқы жылдары төмендегі мамандықтар бойынша білім алушылар даярланды:

• «Физика және информатика»
• «Есептеуіш техника мен желілерді бағдарламалық және ақпараттық қамтамасыз ету»
• «Басқару жүйелерін автоматтандыру және ақпараттандыру»
• «Басқару мен ақпаратты өңдеудің компьютерлік жүйелері»
• «Экономикада ақпараттық жүйелерді қолдану»

Кейіннен білім беру бағдарламалары еңбек нарығының сұранысына және ақпараттық технологиялардың даму бағыттарына сәйкес жетілдіріліп, бакалавриат және магистратура деңгейлерінде мамандар даярлау жұмыстары жалғастырылды.

03Профессор-оқытушылар құрамы

Кафедраның профессор-оқытушылар құрамы білім беру үдерісінде заманауи оқыту технологияларын, инновациялық педагогикалық әдістерді, цифрлық білім беру ресурстарын және студенттердің танымдық, ғылыми-зерттеу қызметін белсендіруге бағытталған тәсілдерді кеңінен қолданады.

Кафедрада «Жоғары оқу орнының үздік оқытушысы» мемлекеттік грантының иегерлері, республикалық деңгейде марапатталған ғалымдар мен білікті мамандар қызмет атқарған.

04Зертханалар және кәсіби даярлық

Кафедраның материалдық-техникалық және ғылыми-зерттеу базасын дамыту бағытында бірқатар маңызды жұмыстар атқарылды.

Сонымен қатар кафедра жанынан Cisco академиясы мен цифрлық технологиялар зертханасы ұйымдастырылып, ақпараттық-коммуникациялық технологиялар саласында кәсіби білім мен практикалық дағдыларды жетілдіруге бағытталған курстар өткізіліп, тиісті сертификаттар беру жүйесі жолға қойылды.

05Өндіріспен байланыс және дуальді оқыту

Кафедрада білім беру мен өндірісті ұштастыруға ерекше көңіл бөлінеді.

«Кентау трансформатор зауыты» АҚ-мен жасалған ынтымақтастық келісім негізінде студенттерге дуальді оқыту жүйесі бойынша теориялық білімдерін өндірістік тәжірибемен ұштастыруға мүмкіндік берілген.

Бұл болашақ мамандардың кәсіби құзыреттіліктерін қалыптастыруға және еңбек нарығына бейімделуіне ықпал етеді.

06Студенттердің жетістіктері

Кафедра студенттері республикалық пәндік олимпиадалар мен ғылыми жобалар конкурстарына белсенді қатысып, жоғары нәтижелерге қол жеткізген.

Атап айтқанда, «Ақпараттық жүйелер» және «Есептеу техникасы және бағдарламалық қамтамасыз ету» мамандықтарының студенттері республикалық пәндік олимпиадаларда бірнеше рет жүлделі ІІІ орынды иеленген.

Сонымен қатар Қазақстан Республикасы Білім және ғылым министрлігі ұйымдастырған студенттердің үздік ғылыми жобалары конкурстарында І, ІІ және ІІІ дәрежелі дипломдармен марапатталған.

07Халықаралық ынтымақтастық және академиялық ұтқырлық

Кафедра халықаралық ынтымақтастық пен академиялық ұтқырлықты дамытуға да басымдық береді. Кафедрада Түркия және басқа да түркітілдес мемлекеттерден келген әртүрлі ұлт өкілдері білім алған.

Академиялық ұтқырлық бағдарламалары аясында студенттер мен магистранттар Еуропа және Азия елдерінің жоғары оқу орындарында бір академиялық кезең бойы білім алу мүмкіндігіне ие болған.

Сонымен қатар алыс және жақын шетелдердің жетекші университеттерінің профессорлары кафедрада дәрістер өткізіп, халықаралық академиялық және ғылыми байланыстардың дамуына үлес қосқан.

ДАМУ БАҒЫТЫ

Кафедраның негізгі мақсаты

Компьютерлік инженерия кафедрасының негізгі мақсаты – ақпараттық технологиялар, компьютерлік инженерия, бағдарламалық қамтамасыз ету, ақпараттық жүйелер және заманауи цифрлық технологиялар бағыттары бойынша теориялық білімі терең, практикалық дағдылары қалыптасқан, ғылыми-зерттеу және инновациялық қызметке қабілетті, халықаралық еңбек нарығында бәсекеге түсе алатын жоғары білікті мамандар даярлау.