Факультет өз қызметін білім беру сапасын арттыруға, ғылыми-зерттеу әлеуетін дамытуға және дене шынықтыру мен спорт саласында бәсекеге қабілетті, кәсіби құзыретті мамандар даярлауға бағыттайды. Білім беру үдерісінде теориялық білім мен практикалық даярлықтың сабақтастығына, білім алушылардың кәсіби құзыреттерін қалыптастыруға ерекше назар аударылады.
Факультет құрылымында екі кафедра жұмыс істейді: “Дене мәдениеті” кафедрасы және “Дене тәрбиесі және бастапқы әскери дайындық” кафедрасы. Кафедралар білім беру бағдарламаларын іске асыру, оқу-әдістемелік және ғылыми-зерттеу жұмыстарын жүргізу бағытында қызмет атқарады.
Қазіргі таңда факультетте бакалавриат деңгейі бойынша 5, магистратура деңгейі бойынша 1 білім беру бағдарламасы жүзеге асырылады. Бағдарламалар дене шынықтыру және спорт, бастапқы әскери дайындық бағыттары бойынша білікті мамандар даярлауды қамтиды.
Факультеттің профессорлық-оқытушылық құрамы педагогика ғылымдарының кандидаттарынан, PhD докторларынан, профессорлардан, қауымдастырылған профессорлардан, тәжірибелі оқытушылардан және спорт саласының білікті мамандарынан құралған.
Факультет білім беру мен ғылымның интеграциясын дамытуға, оқу үдерісінің сапасын жетілдіруге және білім алушылардың кәсіби әрі спорттық әлеуетін арттыруға басымдық береді. Негізгі мақсаты – еңбек нарығының талаптарына сай, кәсіби білімі мен практикалық дағдылары қалыптасқан бәсекеге қабілетті мамандар даярлау.
Сабақ кестесі 2026-2027
СПОРТ ҒЫЛЫМДАРЫ САЛАСЫНДА БІЛІМ БЕРУДЕГІ САБАҚТАСТЫҚ: ОРТА, ЖОҒАРЫ ЖӘНЕ ШЕТЕЛДІК ОҚУ ОРЫНДАРЫНЫҢ ИНТЕГРАЦИЯСЫ ҒЫЛЫМИ СЕМИНАР
