Институт көне және ортағасырлық түркі жазба жәдігерлерін зерттеуді негізгі бағыттардың бірі ретінде қарастырады. Орхон-Енисей, шағатай және басқа да көне түркі жазба ескерткіштерінің тілі, мазмұны, тарихи және мәдени маңызы ғылыми тұрғыдан талданады. Ескерткіштердің мәтіндік ерекшеліктері, тілдік құрылымы мен тарихи дерек ретіндегі құндылығы анықталып, оларды ғылыми айналымға енгізу жұмыстары жүзеге асырылады. Сонымен қатар көне мұраларды сақтау, жариялау және зерттеу әдіснамасын жетілдіру мәселелері де назарға алынады.