Университетіміздің Экономика және басқару факультетінің деканы Йылмаз Улви Узунның редакторлығымен дайындалған «Organization of Turkic States: Politics, Economics, Cultural Collaborations and 2040 Vision» атты халықаралық ғылыми кітап Web of Science деректер базасына енгізілді.
Web of Science - қатаң академиялық сараптаудан өткен, халықаралық ғылыми сапа талаптарына толық сай келетін еңбектер ғана енгізілетін беделді ғылыми деректер базасы.
Аталған кітап ортақ тарихи және мәдени негізге сүйенетін Түркі мемлекеттері ұйымының қалыптасуы мен дамуын қарастырады. Еңбекте ұйымға мүше мемлекеттердің тәуелсіздік алғаннан кейінгі өзара ықпалдастығы, сондай-ақ экономикалық, саяси және мәдени ынтымақтастық салаларындағы байланыстары талданады.
Ұжымдық ғылыми еңбек Түркі мемлекеттері ұйымының әртүрлі салалардағы қызметін экономикалық, саяси және мәдени ықпал тұрғысынан зерделеуге бағытталған.
Кітапта ұйымның қазіргі даму үдерістері қамтылып, зерттеушілер үшін теориялық және тәжірибелік материалдар ұсынылды.
Осы орайда, құрметті деканымызды іргелі ғылыми еңбегінің халықаралық деңгейде мойындалуымен шын жүректен құттықтап, алдағы ғылыми қызметіне толағай табыстар тілейміз.
KZ
TR
EN
RU
