Оқу ордамыздың Физика мамандығының 1-курс студенті Бекарыс Тулеутаев National Solana Hackathon сайысында жүлделі ІІІ орынды иеленіп, 2000 АҚШ доллар көлемінде қаржылай сыйақыға ие болды.
Аталған сайысты Solana Superteam KZ ұйымы ұйымдастырды. Байқау барысында қатысушылар Web3, блокчейн және цифрлық технологиялар негізінде қоғамға пайдалы инновациялық шешімдер ұсынды.
Студентіміз әзірлеген «
Zhasyl.kz» жобасы – экологиялық бастамаларды Solana блокчейн технологиясы негізінде біріктіретін Web3 платформасы. Платформада қолданушылардың табиғатты қорғауға бағытталған іс-әрекеттері блокчейн жүйесінде тіркеліп, ашық әрі өзгертілмейтін түрде расталады.
Жобаның инновациялық идеясы, әлеуметтік маңызы және технологиялық шешімдерінің өзектілігі қазылар алқасының жоғары бағасына ие болып, нәтижесінде National Solana Hackathon сайысында жүлделі орынға лайық деп танылды.
Жобаның ғылыми жетекшісі – Физика кафедрасының доценті PhD, қауымдастырылған профессор Шерзод Раманкулов.
Айта кетейік, Бекарыс Тулеутаев AP22784343 «Мектеп – Университет – Өнеркәсіп» серіктестігі жағдайында пәнаралық STEM білім беру моделінің сабақтастығын іске асыру» атты гранттық жобасының орындаушысы.
Университет абыройын асқақтатып, жеңімпаз атанған студентімізді құттықтай отырып, сәттілік пен табыс тілейміз!
KZ
TR
EN
RU
